គន្លឹះ ៦ យ៉ាង​សម្រាប់​ប្រើប្រាស់កម្មវិធី Google Maps

ផែនទី គឺ​ជា​មគ្គុទេសក៍​ដ៏​សំខាន់​សម្រាប់​ណែ​នាំ​ផ្លូវ​ដែល​យើង​កំពុង​ស្ថិតនៅ ក៏​ដូចជា​ផ្លូវ​ដែល​យើង​នឹង​ស្ថិត​នៅ​​ផងដែរ ។ សម្រាប់​យុគសម័យ​បច្ចេកវិទ្យា​នេះ​ យើង​មានផែនទីជា​ច្រើន​ដូចជា Bing Maps, TomTom និង Google Maps ជាដើម ។ ក្នុង​នោះ Google Maps ត្រូវ​បាន​ចាប់​អារម្មណ៍​យ៉ាង​ខ្លាំង​ បើ​ទោះបី​មាន Bing Maps ឫ TomTom ក៏​ដោយ​ ក៏មាន​អ្នក​ខ្លះ​​ត្រូវ​ការទាំង​ Google Maps ផង​ដែរ។ ជាមួយ​គ្នា​នេះ​ផង​ដែរ សំបុកអាយធី សូម​ណែនាំ​ជូន​នូវ​វិធី ៦​ យ៉ាង​ដែល​នឹង​ជួយ​ឲ្យ​លោកអ្នក​ប្រើ​ប្រាស់​កម្មវិធី Google Maps កាន់តែ​ប្រសើរ​ឡើង​ ដូច​តទៅ៖

១. ការពង្រីក​ពង្រួម Google Maps

លោកអ្នក​ប្រាកដ​ជា​បាន​ដឹង​យ៉ាង​ច្បាស់​ថា ការ​ពង្រីកពង្រួមផែនទី​នេះ យើង​គ្រាន់តែប្រើ​ម្រាមដៃ​ពីរ​ធ្វើ​ការទាញ​​បញ្ចូលគ្នា​ ឫ​លោត​ចេញ​ពី​គ្នា​ប៉ុណ្ណោះ។ លើស​ពី​នេះ លោកអ្នក​អាច​ធ្វើ​ការ​បង្វិល​ផែន​ទី​របស់​លោកអ្នក​បាន​ផង​ដែរ ដើម្បី​ងាយ​ស្រួល​ក្នុង​ការ​តម្រូវ​ជា​មួយ​នឹង​ទិសដៅ​ដែល​លោកអ្នក​កំពុង​ស្ថិត​នៅ ។

twirl_google maps

២.​ ការ​មើល​ជា​លក្ខណៈ 3D

ជំនួស​ឲ្យ​ផ្ទៃ​រាប​ស្មើ​ជា​លក្ខណៈ 2D ធម្មតា​នោះ លោកអ្នក​ក៏​អាច​ធ្វើ​ការ view ជាលក្ខណៈនេត្រាទស្សន៍ 3D បាន​ដែរ ដោយ​គ្រាន់​តែ​ប្រើ​ម្រាមដៃ​ពីរ​អូស​ឡើង​ទៅ​ខាង​លើតែ​ប៉ុណ្ណោះ ។

3D_google maps

៣. ការ​ចែក​រំលែក​រូប​ភាព​ទៅ​កាន់ ​Google Maps

លោកអ្នក​អាច​ធ្វើ​ការ​ចែក​រំលែក​រូបភាព​របស់​លោកអ្នក​ទៅ​កាន់ ​Google Maps បាន​ដោយ​គ្រាន់​ជ្រើសរើស​ទីតាំង​រួច​ធ្វើ​ការ​ចុចឲ្យ​ជាប់ និង​ចុច Add a photo រួច​ធ្វើ​ការ​ជ្រើស​រើស​រូបភាព​ជា​ការស្រេច ។

add photos

៤. ការស្វែងរក​ជាមួយ​នឹង​ពាក្យ​គន្លឹះ​ងាយៗ

ការស្វែងរកជាមួយ​នឹង​ពាក្យ​គន្លឹះ​ងាយៗ គឺ​ជា​រឿង​សាមញ្ញ​ទៅ​ហើយ​សម្រាប់ Google។ ប្រសិន​បើ​លោកអ្នក​កំពុង​តែ​ស្វែង​រក​ទីកន្លែង​សម្រាប់​កម្សាន្ត​នា​ចុង​សប្តាហ៍​ជាមួយ​នឹង​ក្រុមគ្រួសារ លោកអ្នក​អាច​ចាប់​ផ្តើម​ដោយ​ពាក្យ​គន្លឹះ​ងាយៗដូច​ជា family fun, party drink ដើម ។

keyword

៥. ទាញរក​ទីតាំង​របស់​លោកអ្នក​ក្នុង offline mode

មិនថាទូរស័ព្ទ iPhone ឫ​ក៏ Android នោះ​ទេ វា​នៅ​តែ​អាចបង្ហាញ​ទីតាំង​របស់​លោកអ្នក​បាន ឲ្យ​តែ​លោកអ្នក​ស្ថិត​នៅ​ក្បែរ WiFi Hotspots បើ​ទោះបី​ជា​លោកអ្នក​មិន​បាន​តភ្ជាប់​ទៅ​កាន់ WiFi Network នោះ​ក៏ដោយ ។ លោកអ្នក​គ្រាន់​តែ​ធ្វើ​ការ​បើក “Airplane” mode, locator (GPS) និង WiFi ក្នុង​ពេល​ជា​មួយ​គ្នា​ និង​ដំណើរ​ការកម្មវិធី Google Maps ជា​ការស្រេច ។

airplane mode

៦.​ ការប្រើប្រាស់ Cache សម្រាប់​ Offline Mode

លោកអ្នក​ប្រហែល​ជា​មិន​បាន​ដឹង​ទេ​ថា លោកអ្នក​អាច​ប្រើ​ប្រាស់កម្មវិធី Google Map ជា​លក្ខណៈ Offline បានផងដែរ ដោយ​គ្រាន់​តែ​ចូល​ទៅ​កាន់​ទី​តាំង​ដែល​លោកអ្នក​ចង់​បាន និង​វាយ​បញ្ចូល​ពាក្យ “Ok Maps” នៅ​ក្នុង​ប្រ​អប់ search តែ​ប៉ុណ្ណោះ នោះ​កម្មវិធីនឹង​ធ្វើ​ការ​ cache នូវ​ទីតាំង​នោះ​ទុក​ ដែល​លោកអ្នក​អាច​ប្រើ​ប្រាស់ជាលក្ខណៈ Offline បាន ជាក់​ជា​មិនខាន ។

map cache_google maps

យ៉ាងណាម៉ិញ ប្រសិន​បើ​លោកអ្នកចង់​ធ្វើការ​សម្អាត cache file ទាំង​នោះ​ចេញ​ នោះ សូម​ចូល​ទៅ​កាន់ Settings > About, terms & privacy > Terms & privacy >Clear application data និង​ចុច OK ជា​ការស្រេច ។

ជាមួយ​គន្លឹះ​ខ្លីៗ​ខាងលើ សំបុកអាយធី សង្ឃឹម​នឹង​អាច​ជួយ​ដល់​លោកអ្នក​ក្នុង​ការ​ប្រើប្រាស់កម្មវិធី google maps បាន​កាន់​តែ​ប្រសើរ​ឡើងថែម​ទៀត ដូច​នេះកុំ​ភ្លេច LIKE និង SHARE 😉

Leave a Reply