ដំណោះស្រាយ​បញ្ហា​ Upload រូបភាព​នៅក្នុង Joomla 3.0

លោកអ្នក​ដែល​និយម​ប្រើ Joomla កំណែប្រែ​ចុងក្រោយ ៣.០ ប្រាកដជា​ធ្លាប់​ជួប​បញ្ហា​នេះ នាពេលដំបូង បន្ទាប់​ពីតំឡើង Joomla ហើយបង្ហោះ​ចូល​ទៅក្នុង Hosting (អនឡាញ) ។ នៅពេលដែល​លោកអ្នក​ Upload រូបភាព​វានឹង​ចូល​ក្នុង ​Hosting ប៉ុន្តែ​វានឹង​បង្ហាញ​ចេញ​ឲ្យ​​ត្រឹមត្រូវ​វិញ​នោះទេ ដែល​បញ្ហានេះ បណ្តាល​មកពី Magic Quote ដែលកំណត់ស្រាប់ នៅពេល​តំឡើង Joomla 3.0 ។

សេវាបង្ហោះ​គេហទំព័រដ៏​មានទំនុកចិត្ត និងសេវាគាំទ្រល្អដាច់គេ

ចុចទីនេះ ដើម្បីទិញសេវាកម្ម

នេះជាបញ្ហា​ដែលមិនបង្ហាញរូបភាព ដែលវាភ្ជាប់ Magic Quote ធ្វើឲ្យវាមិនស្គាល់ ទីតាំង​រូបភាពច្បាស់​លាស់ ។
problem-image-background

ជាដំបូង​សូមចូល​ទៅ​ពិនិត្យ មើលថាតើ Magic Quote បើក ឬបិទមិន​ឲ្យដំណើរការ​ហើយ ឬនៅ? ដោយឡុកចូលទៅកាន់ទីតាំង Administrator (Back-End) រួចបន្តចូលទៅក្នុង System => System Information => PHP Setting ហើយពិនិត្យត្រង់ Magic Quote (ជាធម្មតានៅក្រឡោន​ទី ៦) បើវាដាក់ថា Off មានន័យថាបិទ បើ On គឺបើក​ឲ្យដំណើរការ ។

system-info

Joomla-Magic_Quote_OFF

ដើម្បីបិទ (Off) Magic Quote របស់ Joomla 3.0 នេះបានដូចរូបខាងលើ សូមលោកអ្នក​អនុវត្តន៍ តាមវិធីខាងក្រោម ៖  

ដំណោះស្រាយ​ដ៏ងាយស្រួល នោះគឺ លោកអ្នក​គ្រាន់តែ​បង្កើត File php.ini ហើយចម្លង File php.ini នេះចូល​ទៅកាន់ root folder (ឧទាហរណ៍៖ /public_html/test_joomla) និងចូលទៅកាន់ Administrator Folder រួចបញ្ចូល​កូដតែ​ពីរបន្ទាត់ដូចខាងក្រោម៖

magic_quotes_gpc = Off
session.save_path = “/tmp”

ដើម្បីបិទ Joomla Magic Quote មិនឲ្យដំណើរការ នោះរូបភាព​ដែល​អ្នក​ Upload នឹងបង្ហាញចេញជា​ប្រក្រតី ប៉ុន្តែ​ប្រសិន​បើវា​នៅតែ​មិនដំណើរការ សូមលោកអ្នក​សាកល្បងជាមួយ .htaccess វិញម្តង ដោយបង្កើតវា .htaccess ហើយចម្លងកូដ​ខាងក្រោម៖

php_flag magic_quotes_gpc 0

ចំណាំ៖ លោកអ្នកត្រូវតែចម្លង File php.ini ចូលក្នុងទាំងពីរ Folder ទើបដំណើរការ ។

joomla-3-resolved-magic_quotes
ហេតុអ្វីបានជា Joomla ចាំបាច់ភ្ជាប់ Quote មកធ្វើអ្វី? (សម្រាប់អ្នកជំនាញ)

ជាហេតុផល​ដ៏សមរម្យមួយ ដែលតម្រូវឲ្យបើក Magic Quote ឲ្យដំណើរការនោះគឺ ដើម្បីការពារអ្នក​ប្រើប្រាស់ Joomla កម្រិតដំបូងចេះតែ​បញ្ចូលកូដ តាមចិត្ត ដែលជាហេតុ​នាំឲ្យមាន​បញ្ហា ងាយប៉ះពាល់​ដល់គេហទំព័រ ។ អក្សរ ឬសញ្ញាមួយចំនួន (“, ‘, \ និង NULL) ​ត្រូវបាន​ជំនួសដោយ \ (Slash) ។  ហើយបញ្ហានេះ វានាំបញ្ហាចំពោះ​អ្នក​ប្រើប្រាស់ PHP កំណែប្រែមុនៗ (លោកអ្នកអាចពិនិត្យ Server ដែលលោកអ្នក Host នូវ PHP version ថា PHP5 ឬ PHP 5.3.24 ជាដើម) ប៉ុន្តែវានឹង​លែងជាបញ្ហា នៅពេលដែលកំណែប្រែ PHP របស់អ្នកដល់ជំនាន់ទី ៦ (PHP 6) ។   

តើអត្ថបទនេះ​បានដោះស្រាយបញ្ហាអ្នក​ដែរឬទេ ? សូមដាក់ជាមតិ បើលោកអ្នកនៅមានបញ្ហាបន្ថែម !

2 មតិ

  1. សួស្តីបង
    ខ្ញុំជាប្រិយមិតុតអ្នកតាមដាន សម្បុកអាយធី ខ្ញុំរីករាយដែលបានទទួលចំណេះដឹង គន្លឺះ ពីគេហទំព័រនេះខ្ឡាំងណាស់
    និងសូមសំនូមពរសូមបង ជួយបន្ធែមpage សម្រាប់អោយប្រិយមិត្តសួរ ឬមានបញ្ហាផេ្សងសម្រាប់ប៉ុល និងផ្តល់​​ពេលសម្រាប់ប្រិយមិត្តខ្លះដែលគាត់ចង់ដោះស្រាយបញ្ហាទាំងនេះ រួមជាមួយសម្បុកអាយធីដែរ។

    • បាទសួស្តី!
      សំបុកអាយធី ធ្លាប់បាន​គិត​ពីចំណុចនេះដែរ ព្រោះមានមិត្ត​អ្នកអាន​មួយចំនួន​បាន​សំណូមពរ ដូចនេះដែរ ប៉ុន្តែ​ពុំសូវមាន​អ្នក​ចាប់អារម្មណ៍​ក្នុងការ​ផុសនោះទេ ។ សំបុកអាយធី នឹងពិភាក្សាជាមួយ​ក្រុមការងារ និងសួរ​ទៅកាន់មិត្ត​អ្នកអានដទៃទៀត បើមានចំណាប់​អារម្មណ៍ច្រើន នោះសំបុកអាយធី នឹង​បង្កើតទំព័រ Forum នោះឡើង!

      សូមអរគុណចំពោះ​ការតាមដាន និងសំណូមពរ​មកកាន់​សំបុកអាយធី!

Leave a Reply